मानव अधिकार अभियान्ता राहुल केसी आगामी निर्वाचनमा राजनीतिमा होमिने तयारीमा छन् । उनले कपिलवस्तुबाट उम्मेदवार बन्ने योजना बनाउँदै रहेको बताएका छन् । यसबारे उनी अहिले स्वतन्त्र उम्मेदवारी दिने कि कुनै दल प्रवेश गरेर चुनावमा होमिने भन्ने विषयमा छलफल गरिरहेका छन् ।
सन् २०१२ देखि युवा नेपालमार्फत मानव अधिकार शिक्षा र युवा परिचालनमा सक्रिय केसीले युवा सशक्तीकरण, नागरिक जिम्मेवारी, न्याय र जवाफदेहीता सम्बन्धी बहस गर्दै आएका छन् । उनका योगदानलाई सन् २०१४ मा बेल्जियमको ब्रुसेल्समा प्रदान गरिएको मानव अधिकार नायक पुरस्कारले अन्तर्राष्ट्रिय स्तरमा मान्यता दिएको थियो ।
त्यसपछि उनले विश्वका ५० भन्दा बढी विश्वविद्यालयहरूमा नेतृत्व, शासन र सामाजिक उत्तरदायित्वका विषयमा अभिमुखीकरण सञ्चालन गर्दै आएका छन् । सन् २०१७ मा उनले १२० भन्दा बढी देशका युवालाई जोड्ने अन्तर्राष्ट्रिय युवा मञ्च सह-स्थापना गरेका थिए, जसले विश्वभरका युवालाई नीतिगत संवाद र प्रणालीगत परिवर्तनका लागि साझा प्लेटफर्म प्रदान गरेको छ ।
