पुनः एकपटक बाघदरबार र सिंहदरबारको लडाई सतहमा आएको छ । अर्थात् मेयर बालेन्द्र शाहले संघिय सरकारसंग पुनः जुहुरी शुरु गरेका छन् । केही समय अघि गृहमन्त्री नारायणकाजी संग भेट गररे सरकारसंग सम्बन्ध सुमुधुर रहेको संदेश दिएका बालेन शाह यस पटक निक्कै आक्रमक शैलीमा उत्रिएका छन् । प्रचण्ड सरकार सरकारले फोहोर व्यवस्थापनामा सहजिकरण नगरेको भन्दै केही समय अघि मेयर बालेनले सिंहदरबार भित्रको कुनैपनि प्रकारका फोहोर नउठाउने उद्योष गरेका थिए । पछि प्रचण्ड नेतृत्वको सरकारले छलफलको माध्यमबाट उक्त कुराको समाधान गरेको थियो ।
यतिबेला अहिले पुनः मेयर बालेन प्रचण्ड नेतृत्वको सरकारसंग आगो हुँदै चोरको संज्ञा दिएका छन् । बालेन यतिमा मात्रै रोकिएका छैन् । उनले आफ्नो महानागरको गाडी रोकिएमा सिंहदरबार नै आगो लगाई दिने घम्की दिएका छन् । संभगत् ट्राफिक प्रहरीद्धारा महानगरको सवारी साधनमा पछिल्लो समय रोकतोक हुँदै आएको भन्ने गाईगुई चली रहेको छ । सायद त्यही कारणलाई नोट गर्दै बालेन आगो बनेर यस प्रकारण्को टिप्पणी दिन बाध्य भएका हुन् ।

बालेनले शनिबार अबेर ९ बजेर ३५ मिनेटमा सामाजिक सञ्जाल फेसबुकमा लेखेका छन् आजको लागि केही भएन, भोलीबाट हाम्रो महानगरको कुनैपनि गाडी सरकारबाट रोकियो भने सिंहदरबामा आगो लगाईदिन्छु । याद राख चोरसरकार । निक्कै तल्लो स्तरको शब्द प्रयोग गर्दै मेयर बालेनले अदशब्द प्रयोग गरेका छन् । आफ्नो गाडी सरकारले रोकेको र आगामी दिनमा पनि रोकिए सिंहदरबारमा आगो लगाइदिने चेतावनी दिएका हुन्। सामाजिक सञ्जालमा आक्रोशपूर्ण स्टाटस राखेर बालेन यसअघि पनि सामाजिक सञ्जालमा चर्चाका पात्र बन्ने गरेका छन्।