नेपाली अभिनेता अनुप विक्रम शाही ले बलिउड फिल्म ‘मातृभूमि’को डबिङ कार्य पूरा गरेका छन् । सलमानखान फिल्मस् को ब्यानरमा निर्माण भइरहेको यस फिल्ममा सलमान खान सँगै अनुप मुख्य भूमिकामा देखिनेछन् । यस फिल्मलाई निर्देशक अपुर्व लाखिया ले निर्देशन गरेका हुन् ।

निर्माणको सुरुवाती चरणमा फिल्मको नाम ‘ ब्याटल अफगलवान’ राखिएको थियो। पछि कथावस्तु र प्रस्तुतीकरणलाई मध्यनजर गर्दै नाम परिवर्तन गरी ‘मातृभूमि’ राखिएको हो । फिल्ममा अनुप विक्रम शाही चिनियाँ प्रहरीको भूमिकामा देखिने भएका छन्, जुन उनको करिअरका लागि फरक र चुनौतीपूर्ण भूमिका मानिएको छ । बलिउडमा समेत आफ्नो उपस्थितिलाई बलियो बनाउँदै आएका अनुपका लागि यो प्रोजेक्ट महत्वपूर्ण मानिएको छ ।

अनुप आफ्नो बलिउड डेब्युलाई लिएर निक्कै उत्साहित छन् । अझ त्यसमाथी सपलमान खानको फिल्ममा सँगै काम गर्न पाउनु भाग्य ठान्छन् । र, उही अनुसार आफ्नो भुमिकामा निक्कै मेहनत गरेका छन् ।

फिल्मको आधिकारिक प्रदर्शन मिति अझै घोषणा गरिएको छैन । तर, भारतीय मिडिया रिपोर्टअनुसार ‘मातृभूमि’ भारतको स्वतन्त्रता दिवसको आसपास प्रदर्शनमा आउने तयारीमा रहेको जनाइएको छ ।