वार २’ सन् २०२५ को सबभन्दा प्रतिक्षित बलिउड फिल्महरूमध्ये एक मानिन्छ, जसले पहिलो पटक ऋतिक रोशन र जुनियर एनटीआरलाई एकसाथ पर्दामा ल्याएको छ। यो फिल्म अगस्ट १४ अर्थात यही बिहीबारदेखि विश्वव्यापी रूपमा रिलिज हुँदैछ । ‘वार २’ यशराज फिल्म्सको स्पाई युनिभर्स अन्तर्गतको छैठौं अध्याय हो । फिल्ममा ऋतिक रोशन, जुनियर एनटीआर र कियारा आडवाणी मुख्य भूमिकामा छन् ।

यसले हिन्दी, तमिल र तेलुगु भाषामा प्रदर्शन पाउने तय भएको छ। नेपालमा पनि यही दिनबाट प्रदर्शन हुने तयारी छ । यशराज फिल्म्सको स्पाई युनिभर्ससँग जोडिएपछि फिल्मको अन्तिम क्रेडिट सिक्वेन्समा सलमान खान र शाहरूख खानको उपस्थितिको सम्भावना विषयमा चर्चा चलेको थियो । यी दुई सुपरस्टारका लोकप्रिय पात्रहरू टाइगर र पठानलाई फिल्ममा समावेश गर्ने चर्चा व्यापक थियो ।

तर, बलिउड हंगामा नामक भारतीय सञ्चारमाध्यमले उल्लेख गरेको छ कि ‘वार २’ मा टाइगर र पठान दुवै पात्र देखिने छैनन् । स्रोतका अनुसार, फिल्ममा यी पात्रहरूको नाम भने केही प्रमुख घटनाक्रमहरूमा उल्लेख गरिनेछ । त्यसको सट्टा अभिनेता बबी देओललाई केमियो भूमिकामा देखाउने योजना छ । बबी देओलले सम्भवतः पोस्ट–क्रेडिट दृश्यमा नयाँ खलनायकको रूपमा आफ्नो परिचय दिनेछन् । यसले स्पाई युनिभर्सको अर्को अध्यायका लागि बाटो खोल्ने अपेक्षा गरिएको छ ।

‘वार २’ को भव्य एक्शन र कथासहितको यो सिक्वेलले विश्वभरका चलचित्रप्रेमीहरूबाट उच्च अपेक्षा राखिएको छ ।